रोमाञ्चक खबर: अमेरिकामा हुने नेपालको अभ्यास खेलको प्रत्यक्ष प्रसारण हाम्रो खेलकुदले गर्ने
नेपाली राष्ट्रिय क्रिकेट टोलीले टि२० विश्वकपको तयारीमा अमेरिकाको ह्युस्टनमा खेल्ने दुई अभ्यास खेलको प्रत्यक्ष प्रसारण गर्ने जिम्मा हाम्रो खेलकुदले पाएको छ।
अभ्यास खेलको तालिका र प्रसारण
मे २२ र २३ मा ह्युस्टन हरिकेन्ससँग नेपाली टोलीले दुई वटा टि२० अभ्यास खेल खेल्नेछ। हाम्रो खेलकुदले ती दुई खेलको ब्रोडकास्टिङ अधिकार प्राप्त गरेको छ र आफ्नै युट्युब च्यानलमार्फत प्रत्यक्ष प्रसारण गर्नेछ। यसका लागि हाम्रो खेलकुद र अमेरिकामा उक्त खेलको आयोजना अधिकार पाएको ड्रिम स्पोर्टस भेन्चर्सबीच सम्झौता भएको छ।
नेपाली टोलीको तयारी र सन्दीप लामिछानेको सहभागिता
वर्तमानमा वेस्ट इन्डिजमा तयारी गरिरहेको नेपाली टोली शनिबार अन्तिम अभ्यास खेलपछि अमेरिका जाने योजना रहेको छ। क्यानबाट निलम्बन फुकुवा भएका स्पिनर सन्दीप लामिछानेले पनि यी खेल खेल्ने सम्भावना छ। क्यानले आइसीसीबाट उनलाई विश्वकपमा समेट्न स्वीकृति दिएपछि सन्दीप टोलीसँग अभ्यास खेल र प्रशिक्षणमा जोडिने भएका हुन्।
वार्मअर्प खेलहरूको योजना
हुस्टन हरिकेन्ससँगको खेलपछि र विश्वकपअघि नेपाली टोलीले दुईवटा वार्मअर्प खेल पनि खेल्नेछ। मे २७ मा क्यानाडा र मे ३० मा आयोजक अमेरिकासँग ड्यालासमा वार्मअप म्याचमा प्रतिस्पर्धा गर्नेछ।
